Меню KDT
Приемная
+7(7152)320337

 

«Заң өзіңнен басталады»
«Заң өзіңнен басталады» тақырыбында оқушылардың қатысуымен видеоролик түсірілді. Аталған бейнероликтің мақсаты – оқушылардың құқықтық сауаттылығын арттыру, заңды білуге, оны сақтауға және қоғамдық тәртіпті бұзбауға тәрбиелеу. Заңды білу және оны бұзбау – әрбір азаматтың міндеті.
Онлайн-челлендж «Заңның 30 секунды»
Онлайн-челлендж «Заңның 30 секунды» Мектебімізде «Заң және тәртіп» айлығы аясында «Заңның 30 секунды» атты онлайн-челлендж өтті. 1–11 сынып оқушылары белсенді қатысып, өз құқықтары, міндеттері және қоғамдағы мінез-құлық ережелері жөніндегі білімдерін көрсететін қысқа бейнероликтер дайындады. Қатысушылар қолжетімді әрі түсінікті форматта заңдардың маңызы, азаматтардың жауапкершілігі және құқықтық тәртіпті сақтаудың маңыздылығы туралы баяндады. Мұндай челленджді өткізу құқықтық мәдениетті қалыптастыруға, азаматтық жауапкершілікті дамытуға және Қазақстан Республикасының заңдарына саналы көзқарасты нығайтуға ықпал етті. Белсенділік танытып, жауапкершілікпен қатысқан барлық оқушыларға алғыс білдіреміз! білдіреміз!
«Адалдық пен әділдік»
«Заң және тәртіп» айлығы аясында №28 мектепте ОЮП инспекторы Г. А. Игнатовтың қатысуымен «Адалдық пен әділдік» тақырыбында мектептің жасөспірімдерімен әңгіме өткізілді. Әңгімелесу барысында білім алушылар адалдық, әділдік және жауапкершілік сияқты адамгершілік құндылықтардың маңызын, сондай-ақ олардың әрбір адамның және жалпы қоғам өміріндегі рөлін талқылады. Оқушылар іс-шараға белсенді қатысып, өз пікірлерін білдіріп, күнделікті өмірден мысалдар келтіріп, түрлі өмірлік жағдайларды талдады. Адалдық сағатын өткізу білім алушылардың сыбайлас жемқорлыққа қарсы дүниетанымын қалыптастыруға, заңға құрметпен қарауға, сондай-ақ күнделікті өмірде адалдық пен әділдік қағидаттарын ұстануға ұмтылуына ықпал етеді.
«Өз құқықтарыңды біл»
«Өз құқықтарыңды біл» тақырыбында мектебімізде «Заң және құқық» айлығы аясында Құқықтық ақпарат күніне арналған іс-шара өтті. Оқушылар үшін құқықтық интернет-ресурстарды қолдана отырып, интерактивті сабақтар ұйымдастырылды. Іс-шараға учаскелік инспектор мен мектептің тәрбие ісі жөніндегі орынбасарлары қатысты. Сабақтар қызықты әрі белсенді форматта өтті, оқушылардың үлкен қызығушылығын тудырып, олардың өз құқықтары мен міндеттері туралы білімін кеңейтуге ықпал етті. Іс-шараға қатысқан барлық қатысушыларға ынтымақтастық пен пайдалы кездесу үшін алғысымызды білдіреміз!
Құрметті ата-аналар!
Құрметті ата-аналар! «Заң және тәртіп» айлығы аясында мектебімізде салық саласындағы азаматтық жауапкершілік мәселелері бойынша түсіндіру жұмыстары жүргізілуде. Назарларыңызға келесі жағдайларды жеткіземіз: Қазақстан Республикасы салық заңнамасының талаптарын сақтау; алынған табыстан салықтарды дер кезінде жариялап, төлеу; балаларда заң мен құқықтық тәртіпке деген дұрыс көзқарасты қалыптастыру – әрбір ата-ананың маңызды міндеті. Салық — мемлекеттің әлеуметтік дамуының негізгі тірегі. Олар білім беру, медицина және әлеуметтік салаларды қаржыландыруға бағытталады. Азаматтық жауапкершілік танытып, заңды орындау арқылы өз балаларыңызға үлгі болуға шақырамыз. Заңды сақтау — қоғамдағы тұрақтылық пен игіліктің кепілі.
«Менің құқығым – менің жауапкершілігім»
«Адал азамат» бірыңғай тәрбие бағдарламасы аясында құқықтық тәрбиеге бағытталған «Заң және тәртіп» айлығы шеңберінде 12 қаңтар күні «Менің құқығым – менің жауапкершілігім» атты бірыңғай сынып сағаты өткізілді. Іс-шараның мақсаты – оқушылардың құқықтық сауаттылығын арттыру және олардың белсенді азаматтық ұстанымын қалыптастыру. Сынып сағаты барысында құқықбұзушылықтың алдын алу, құқықтық жауапкершілік, оқушылардың құқықтары мен міндеттері жөнінде түсіндіру жұмыстары жүргізілді. Сондай-ақ буллинг пен кибербуллингке, түрлі құқықбұзушылықтарға қатысты «нөлдік төзімділік»қағидаты негізінде ақпарат беріліп, талқылау ұйымдастырылды.
Құқықтық тәрбие айлығы аясында 2026 жылғы 9 қаңтар күні ата-аналарға арналған «Қаржылық жауапкершілік» тақырыбында онлайн дәріс өткізілді.
Құқықтық тәрбие айлығы аясында 2026 жылғы 9 қаңтар күні ата-аналарға арналған «Қаржылық жауапкершілік» тақырыбында онлайн дәріс өткізілді. Іс-шараның мақсаты – ата-аналардың қаржылық сауаттылығын арттыру. Дәріс барысында келесі өзекті мәселелер қамтылды: – қаржыны тиімді басқару; – отбасы бюджетін дұрыс жоспарлау; – артық шығындардың алдын алу тәсілдері; – несие мен қарыз алудағы жауапкершілік. Ата-аналар белсенділік танытып, өздерін толғандырған сұрақтарға нақты жауап алды. Кездесу пайдалы әрі мазмұнды өтіп, қатысушыларға өмірлік маңызы бар ақпараттар ұсынылды
9 қаңтар күні сағат 14:00-де №28 мектепте
9 қаңтар күні сағат 14:00-де №28 мектепте “Champion Time: Белгілі грек-рим балуаны”атты шеберлік сабағы өтті! ⠀ Басты қонағымыз — Бекболатов Аманғали Нұрболатович: «Ел Қорғаны» орденінің иегері Әлем чемпионы (әскери қызметкерлер арасында) Азия чемпионатының екі дүркін жүлдегері Ислам ынтымақтастық ойындарының қола жүлдегері Халықаралық дәрежедегі спорт шебері Бұл кездесуге 8–11 сынып оқушылары қатысты. Оқушылар чемпионмен жүздесіп, күрес өнері, спорттағы тәртіп пен табандылық жайлы құнды мағлұмат алды. Шеберлік сағаты оқушыларға ерекше әсер қалдырды. Солтүстік Қазақстан облысының намысын қорғап жүрген спорт шеберімен жүздесу – жасөспірімдер үшін үлкен мәртебе болды. Кездесу кәсіби бағдар бағытында да болды: спортқа қызығушылықты арттырып, салауатты өмір салтын ұстануға ынталандырды. Мұндай шаралар – жас ұрпаққа шабыт сыйлап, болашаққа сеніммен қадам басуға жол ашады! ⠀ @amangali1096
logo_logo.png?_=1758712748 Алтын Дала қ. 9A gzhakanova@sqo.gov.kz
28jobb_mektep
Әзірлеуші ТОО "BenchMark Consulting"