Меню KDT
Приемная
+7(7152)320337

 

Мектебімізде топтастық пен сенімге негізделген тренинг өтті.
Мектебімізде топтастық пен сенімге негізделген тренинг өтті. 26–27 қараша күндері мектебімізде «Өрлеу» біліктілікті арттыру ұлттық орталығынан аға-оқытушы Ибраева Азиза Мухамедиевна келіп, педагогтерге арналған «Ұйымшыл ұжым – жайлы мектеп»тақырыбында тренинг өткізді. Тренинг барысында түрлі топтық тапсырмалар мен шығармашылық ойындар ұйымдастырылып, ұстаздар өздерінің креативтіліктері мен бірлесе жұмыс жасау қабілеттерін көрсете білді. Мұндай шаралар ұжым ішіндегі ынтымақтастықты арттырып, мектептегі жайлы атмосфера қалыптастыруға зор үлес қоса алады.
📌 Ашық есік күні — болашаққа бағдар
Ашық есік күні — болашаққа бағдар 2025 жылдың 25 қарашасында Жұмағали Тлеулин атындағы Солтүстік Қазақстан жоғары медицина колледжінде 9–11 сынып оқушыларына арналған Ашық есік күні өтті. Іс-шара кәсіби бағдар беру мақсатында ұйымдастырылып, оқушыларға колледждің тыныс-тіршілігімен, білім беру бағыттарымен жақын танысуға мүмкіндік берді. Алдымен оқушылар колледждің тарихы мен жетістіктері туралы баяндайтын мұражайды аралап, білім ордасының дәстүрімен танысты. Бұдан кейін қатысушыларға колледж дайындайтын мамандықтар жайлы жан-жақты ақпарат ұсынылып, оқу процесінің ерекшеліктері мен мүмкіндіктері таныстырылды. Іс-шара соңында көңілді атмосфера сыйлаған концерттік бағдарлама ұйымдастырылды. Мұндай кездесулер оқушылардың болашақ мамандығын саналы түрде таңдауға көмектесіп, медицина әлеміне жақын болуға жол ашады.
🏐 «Шұбар Доп» волейбол лигасы өз мәресіне жетті!
«Шұбар Доп» волейбол лигасы өз мәресіне жетті! 5–6 сынып ұлдары арасында өткен қалалық мектепішілік волейбол жарысында мектебіміздің командасы 5-орынды иеленді! Бұл жарыс олардың алғашқы қадамы. Бұл — бірінші бәсеке, бірінші тәжірибе, қобалжу мен қателіктен қорқуға қарсы алғашқы командалық жарыстары. Біз жас спортшыларымызбен мақтанамыз! Бұл тәжірибе олардың үлкен спорт жолындағы берік бастамасы болсын. Әр нәтиже — жаңа белеске бастар баспалдақ.
14 қазан күні мектебімізде 6–7 сынып қыздарына «Өсіп келе жатқан қыз балалардың жеке бас гигиенасы» тақырыбында маңызды лекция өткізілді.
14 қазан күні мектебімізде 6–7 сынып қыздарына «Өсіп келе жатқан қыз балалардың жеке бас гигиенасы» тақырыбында маңызды лекция өткізілді. Шара барысында жасөспірім қыздардың денсаулықты сақтау жолдары, күнделікті гигиенаның маңызы, дұрыс тамақтану, өз-өзіне күтім жасау және жас ерекшелікке байланысты өзгерістер туралы жан-жақты ақпарат берілді.
📌 «Зерде» жас зерттеушілер байқауының облыстық кезеңі мектебімізде өтті.
«Зерде» жас зерттеушілер байқауының облыстық кезеңі мектебімізде өтті. Бүгін мектебіміздің базасында 2–7 сынып оқушылары арасында «Қызылжар дарыны» орталығының ұйымдастыруымен «Зерде» республикалық зерттеу және шығармашылық жобалар байқауының облыстық кезеңі өткізілді. Жас зерттеушілер өздерінің тың идеяларын, ғылыми ізденістері мен шығармашылық жобаларын ұсынып, білімдері мен табандылықтарын көрсетті. Мұндай байқаулар оқушылардың ғылыми ойлау қабілетін дамытып, жаңа жетістіктерге жетуге жол ашады.
№28 жалпы білім беретін мектепте 7–11 сынып оқушылары арасында «Полиция және балалар — қауіпсіздік үшін бірге»тақырыбында бірыңғай мазмұндама жазу жұмысыұйымдастырылды.
№28 жалпы білім беретін мектепте 7–11 сынып оқушылары арасында «Полиция және балалар — қауіпсіздік үшін бірге»тақырыбында бірыңғай мазмұндама жазу жұмысыұйымдастырылды. Іс-шараның мақсаты — оқушылардың құқықтық мәдениетін қалыптастыру, заңға құрметпен қарау және қоғам мен полицияның бірлескен күш-жігерінің қауіпсіздікті қамтамасыз етудегі маңыздылығын түсіну болып табылады. Оқушылар құқық қорғау органдарының рөлі туралы өз түсінгендерін жеткізіп, ережелерді сақтау, әр адамның қауіпсіздік бойынша жауапкершілігі, оның маңыздылығын атады.
Өз жолыңды таңда!
Өз жолыңды таңда! 2025 жылғы 12 қараша күні 28 жалпы білім беретін мектептің 9-сынып оқушылары Солтүстік Қазақстан жоғары кәсіптік-педагогикалық колледжінде ұйымдастырылған Ашық есік күніне қатысып, болашақ мамандық таңдауға бағытталған маңызды ақпарат алды. Колледж ұсынған түрлі мамандықтармен танысып, оқушылар шеберлік сабақтарына қатысып, интерактивті көрмелерден әсерлі тәжірибе жинақтады. Әр оқу бағыты бойынша қызықты мәліметтер ұсынылып, кәсіптің ерекшеліктері жан-жақты түсіндірілді. Іс-шара соңында мектеп оқушылары колледж студенттерімен және қабылдау комиссиясымен ашық әңгімелесіп, білім алу шарттары туралы өздерін қызықтырған сұрақтарға жауап алды. Бұл кездесу оқушыларға кәсіби бағдар тұрғысынан бағыт-бағдар беріп, болашақ таңдауына сенімділік сыйлады.
“Дебют” жас педагогтерге арналған облыстық байқауы біздің мектеп базасында жоғары деңгейде ұйымдастырылып өтті.
“Дебют” жас педагогтерге арналған облыстық байқауы біздің мектеп базасында жоғары деңгейде ұйымдастырылып өтті. Байқау барысында қатысушы мұғалімдер жасанды интеллект құралдарының мүмкіндіктерін тиімді пайдаланып, оқушыларға мазмұны бай, креативті әрі тартымды сабақтар ұсынды. Сонымен қатар жас мамандарға тәжірибелі тәлімгерлер тарапынан әдістемелік қолдау көрсетіліп, кәсіби шеберліктерін шыңдауға бағытталған пайдалы кеңестер берілді. Бұл шара жас педагогтердің инновациялық әдістерді меңгеруіне, тәжірибе алмасуына және шығармашылық әлеуетін дамытуға зор ықпал етті.
logo_logo.png?_=1758712748 Алтын Дала қ. 9A gzhakanova@sqo.gov.kz
28jobb_mektep
Әзірлеуші ТОО "BenchMark Consulting"