Меню KDT
Приемная
+7(7152)320337

 

Таза мемлекет өзімізден басталады! 🌿
Таза мемлекет өзімізден басталады! Бүгін, 11 қазанда біздің мектептің педагогтері мен қызметкерлері “Таза Қазақстан”республикалық экологиялық акциясы аясында мектеп жанындағы аумақты жұмыла тазалауға шықты. Ортақ іске үлес қосудың тамаша себебі - біздің қаланы таза әрі жайлы ету! Мектеп ауласын ретке келтіріп, гүлзарлар мен жасыл аймақтарды абаттандырдық. Тазалық-бұл экология жайлы ғана емес, сонымен қатар өзін, айналасындағыларды және болашақ ұрпақты құрметтеудің көрінісі. Барлық әріптестерімізге белсенді қатысқаны және бей-жай қарамағаны үшін алғыс айтамыз! Бірге біз көп жетістіктерге жетеміз!
Мектебімізге Қорған облысынан делегация келді
Мектебімізге Қорған облысынан делегация келді 10 қазан күні Ресей Федерациясы, Қорған облысынан арнайы делегация келіп, оқу-тәрбие процесімен және білім беру мекемесінің жабдықталуымен танысты. Делегация құрамында Курган мемлекеттік университетінің ректоры Надежда Дубив болды. Қонақтар мектептің даму бағыттары мен инновациялық жұмыс тәсілдеріне оң бағасын берді.
5–11 сыныптың қыздары футзалдан қалалық мектеп лигасында 8 команда ішінен топ жарып, ФИНАЛҒА шықты! 🎉
ҚҰТТЫҚТАЙМЫЗ! 5–11 сыныптың қыздары футзалдан қалалық мектеп лигасында 8 команда ішінен топ жарып, ФИНАЛҒА шықты! Финалдық кезең ақпан айында өтеді деп жоспарлануда. Қыздарымызға сәттілік тілейміз! Жеңіс жолы жалғаса берсін!
8–11 сынып оқушылары арасында өткен Республикалық ғылыми жобалар байқауының қалалық кезеңінде 9-сынып оқушысы Гладилова Анастасия жүлделі III орынға ие болды! 🏅
Қуанышты жаңалық! 8–11 сынып оқушылары арасында өткен Республикалық ғылыми жобалар байқауының қалалық кезеңінде 9-сынып оқушысы Гладилова Анастасия жүлделі III орынға ие болды! Бұл жетістік – еңбектің, ізденістің және табандылықтың нәтижесі. Жетекшісі – биология пәнінің мұғалімі, педагог-сарапшы Габбасова М.К. Анастасия мен жетекшісін шын жүректен құттықтаймыз! Жаңа ғылыми биіктер мен шығармашылық табыстар тілейміз!
«Зерде» Республикалық зерттеу жұмыстары байқауының қалалық кезеңіне мектебіміздің 1–7 сынып оқушыларынан 3 оқушы қатысып, жүлделі орындарға ие болды! 🏅
Қуанышты жаңалық! «Зерде» Республикалық зерттеу жұмыстары байқауының қалалық кезеңіне мектебіміздің 1–7 сынып оқушыларынан 3 оқушы қатысып, жүлделі орындарға ие болды! Бұл — жас зерттеушілеріміздің еңбегі мен қызығушылығының, ал жетекшілерінің жанашыр еңбегінің нәтижесі. Барлық жоба жетекшілері мен оқушыларды шын жүректен құттықтаймыз! Алдағы уақытта да шығармашылық табыс пен биік белестерді бағындыра беріңіздер!
«Салауатты ұрпақ – ел болашағы»
«Салауатты ұрпақ – ел болашағы» Мектебімізде денсаулықты нығайтуға бағытталған массалық таңғы жаттығу өтті! Оқушылар белсенділік танытып, дене шынықтырудың маңызын тағы бір дәлелдеді. Шара мақсаты – салауатты өмір салтын насихаттау және жас ұрпақтың физикалық дамуына қолдау көрсету. Белсенділік – табысты күннің бастауы!
Сіздерді мектеп кітапханасында өтетін «Шын жүректен кітап сыйла» атты игі акцияға қатысуға шақырамыз.
Құрметті әріптестер! Сіздерді мектеп кітапханасында өтетін «Шын жүректен кітап сыйла» атты игі акцияға қатысуға шақырамыз. Кітап — ұрпақтан ұрпаққа жететін асыл қазына, білім мен даналықтың қайнар көзі. Өз сүйікті кітаптарыңызды сыйлап, өзгеге шабыт пен қуаныш сыйлаңыз! Кітаптарды 2025 жылдың 17 қазанына дейін мектеп кітапханасына тапсыруға болады. Сыйға тартылатын кітаптар 2000 жылдан кейін жарық көрген болуы тиіс. Кітап сыйлаңыз — даналық сыйлаңыз!
Бүгін мектебімізде футзалдан іріктеу жарысы өтті!
Бүгін мектебімізде футзалдан іріктеу жарысы өтті! Жарыс Қалалық мектеп лигасының аймақтық кезеңіне жолдама алу мақсатында ұйымдастырылды. Бұл сайысқа қаламыздың 7 мектебі қатысып, тартысты әрі қызықты ойын өрнегін көрсетті. Оқушылар шынайы шеберлік, ұйымшылдық пен спорттық рух танытты. Жарыстың басты мақсаты – мектеп спорты мен салауатты өмір салтын дамыту, жасөспірімдерге көбірек жарыс тәжірибесін сыйлау. ⠀ Барлық қатысушыларға алғыс білдіреміз! Жеңіске жеткен командаларға – алдағы аймақтық кезеңде сәттілік тілейміз!
logo_logo.png?_=1758712748 Алтын Дала қ. 9A gzhakanova@sqo.gov.kz
28jobb_mektep
Әзірлеуші ТОО "BenchMark Consulting"