Меню KDT
Приемная
+7(7152)320337

 

3 қазан күні мектебімізде оқушылар өздерін ұстаз ретінде сынап көрді.
3 қазан күні мектебімізде оқушылар өздерін ұстаз ретінде сынап көрді. Әрқайсысы бір күнге мұғалімдердің орнын басып, сабақты өзі жүргізіп, жауапкершіліктің не екенін терең түсінді. Мұғалім болу – тек білім берумен шектелмейді, Бұл – шыдамдылық, тиянақтылық және үлкен махаббатты талап ететін еңбек. Дуберлер өз рөлін лайықты алып шықты! Бәріңізге алғыс білдіреміз!  
Ұстаздар күні қарсаңында мұғалімдерге жақсы көңіл-күй сыйлау үшін әзіл-қалжыңы аралас бейнеролик дайындадық!
Ұстаздар күні қарсаңында мұғалімдерге жақсы көңіл-күй сыйлау үшін әзіл-қалжыңы аралас бейнеролик дайындадық! Шығармашылық пен позитивті энергияға толы туынды біздің талантты оқушыларымыз Оразаев Арыстан мен Шамиганов Амирден.
Мектебімізде Ұстаздар күніне орай мұғалімдерге арналған мерекелік концерт ұйымдастырылды.
Мектебімізде Ұстаздар күніне орай мұғалімдерге арналған мерекелік концерт ұйымдастырылды. Оқушылардың өнері, шынайы ықыласы мен жылы лебіздері ұстаздарға ерекше көңіл-күй сыйлап, қуанышқа бөледі. Барша ұстаздар қауымын кәсіби мерекелері – Ұстаздар күнімен шын жүректен құттықтаймыз!
Бүгін мектебімізде STEM/STREAM Education шығармашылық көрмесі өтті.
Бүгін мектебімізде STEM/STREAM Education шығармашылық көрмесі өтті. Көрменің мақсаты – оқушылардың ғылым, технология, инженерия, өнер және математикаға деген қызығушылығын арттыру. Оқушылар өз жобаларында теорияны тәжірибемен ұштастырып, ерекше идеялар мен инженерлік шешімдерді көрсетті. Қарапайым макеттерден бастап цифрлық жобаларға дейін – барлығы оқушылардың креативі мен топта жұмыс істеу қабілетін көрсетті. Көрмеге Kozybayev University оқытушылары, Түркия мен Малайзиядан келген профессорлар қатысып, оқушылардың белсенділігі мен шығармашылығына жоғары баға берді.
Бүгін мектебімізде 1 Қазан – Қарттар күніне орай ардагер ұстаздарымызға ерекше құрмет көрсетілді.
Бүгін мектебімізде 1 Қазан – Қарттар күніне орай ардагер ұстаздарымызға ерекше құрмет көрсетілді. Мектеп ұжымы ардагерлерді құттықтап, жүрекжарды алғыстарын білдіріп, шағын сый-сияпаттар табыстады. Ұстаздың еңбегі – ұрпақтың болашағына салынған жол. Сіздердің сіңірген еңбектеріңіз, ұрпақ тәрбиесіне қосқан үлестеріңіз ешқашан ұмытылмайды.
Еңбек түбі — береке» жобасының нәтижелері! 🌟
Еңбек түбі — береке» жобасының нәтижелері! Бүгін біздің мектебімізде «Өнегелі 15 минут» бағдарламасы аясында балалар мен ата-аналар бірлесе отырып, «Еңбек түбі — береке» тақырыбында шығармашылық жұмыс жүргізді.
Балалар үшін күнделікті өмірдегі ең үлкен қауіптердің бірі — дәрі-дәрмектермен улану.
Балалар үшін күнделікті өмірдегі ең үлкен қауіптердің бірі — дәрі-дәрмектермен улану. Дәрі қобдишасына еркін қолжетімділік ауыр жағдайларға әкелуі мүмкін. Есіңізде болсын: қолжетімді жерде қалған бір ғана дәрі қаптамасы — балаға үлкен қауіп төндіруі мүмкін. Біз сіздерге баланы қауіптен қорғауға көмектесетін қарапайым ұсыныстар жазылған жадынама дайындадық. Сіздерден осы жадынамамен мұқият танысып, күнделікті өмірде қауіпсіздік шараларын қатаң сақтауларыңызды сұраймыз.
🚨 Назар аударыңыз! 🚨
Назар аударыңыз! Қалжыңдасудың да шегі бар. Біреуді мазақ ету — бұл әзіл емес. Буллинг пен кибербуллинг — бұл заң бұзушылық! Мұндай әрекеттер үшін жауапкершілік қарастырылған: Бірінші рет жасалған жағдайда ата-аналарға 10 АЕК көлемінде айыппұл салынады; Егер қайталанса, 30 АЕК (110 760 теңге); Егер бұзақылық жасаған бала 12-16 жас аралығында болса, оның ата-анасы немесе заңды қамқоршысы жауап береді. Неліктен бұл маңызды? Себебі әрбір баланың мектепте, интернетте, жалпы кез келген жерде өзін қауіпсіз сезініп, қолдауға ие болуға құқығы бар. Егер буллингке тап болсаң — үндемей қалма! Мектептегі психологпен сөйлес. 111 байланыс орталығына қоңырау шал — сенің құқығың мемлекеттің қорғауында!
logo_logo.png?_=1758712748 Алтын Дала қ. 9A gzhakanova@sqo.gov.kz
28jobb_mektep
Әзірлеуші ТОО "BenchMark Consulting"