Меню KDT
Приемная
+7(7152)320337

 

«Жасанды интеллект платформалары кәсіби даму құралдары ретінде»
18қыркүйек күні мектебімізде қазақ тілі, орыс тілі және ағылшын тілі пәні мұғалімдеріне арналған қалалық семинар ұйымдастырылды. Семинардың тақырыбы – «Жасанды интеллект платформалары кәсіби даму құралдары ретінде» Мақсаты– педагогтердің кәсіби шеберлігін арттырып, жасанды интеллекттің мүмкіндіктерін оқу үдерісіне тиімді енгізу, заманауи білім берудің сапасын көтеру. Семинар барысында: – Ашық сабақтар көрсетілді; – Шеберлік сағаттары өтті; – Жасанды интеллект құралдарын қолдану жолдары талқыланды; – Мұғалімдер өзара тәжірибе алмасып, пайдалы ақпараттармен бөлісті. Мұндай іс-шаралар – білім беру саласындағы цифрлық жаңашылдықтарға қадам басуға мүмкіндік береді
Бүгін мектебімізде таңертеңгілік сергіту сәті ұйымдастырылды.
Бүгін мектебімізде таңертеңгілік сергіту сәті ұйымдастырылды. Оқушылар белсенді түрде дене жаттығуларын орындап, күнді сергек күйде бастады. Мұндай шаралар оқушылардың денсаулығын нығайтып қана қоймай, оқу үрдісіне деген ынтасын арттырады
💫 Сәбит Мұқановтың 125 жылдығына арналған көрме 💫
Сәбит Мұқановтың 125 жылдығына арналған көрме Бүгін мектебіміздің кітапханасында қазақтың ұлы жазушысы және қоғам қайраткері Сәбит Мұқановтың 125 жылдығына орай арнайы көрме ұйымдастырылды. 6-сынып оқушылары көрмеге қатысып, жазушының өмірі мен шығармашылығымен тереңірек танысты. Балалар Сәбит Мұқановтың әдеби мұрасының халқымыз үшін қаншалықты маңызды екенін сезініп, оның шығармаларынан алынған қызықты деректерге қанықты. Аталмыш іс-шара оқушылардың әдебиетке деген қызығушылығын арттыруға, қазақ тілінің байлығын сезінуге және рухани дүниелерін байытуға бағытталды.
«Күлкі сыйла — әлемді жарқын ет»
«Күлкі сыйла — әлемді жарқын ет» акциясы аясында 10 қыркүйек күні мектебімізде жүрекке жылы тиетін «Жақсылық тізбегі» атты шара өтті. 1–11 сынып оқушылары мен мұғалімдер «Өмір ағашына» өздерінің ізгі тілектері мен жылы лебіздерін жазып қалдырды. Бұл әрекет қамқорлық, қолдау мен достық атмосферасын қалыптастырды. Аталған акция балалар мен ересектерді біріктіріп, әркімнің жүзіне күлкі сыйлады және бір-бірімізге жылы сөз айтудың қаншалықты маңызды екенін еске салды.  
«Туған тілім – тірлігімнің айғағы»
8 қыркүйек – Тілдер мерекесіне орай мектебімізде қазақ тілі мен әдебиеті пәні мұғалімдері бастауыш сынып оқушыларымен «Туған тілім – тірлігімнің айғағы» атты апталықтың ашылуын ұйымдастырды. * Апталық аясында оқушылар үшін қызықты викториналар, танымдық тапсырмалар мен тілге байланысты ойындар өткізілді. Апталықтың мақсаты: - Оқушылардың ана тіліне деген сүйіспеншілігін арттыра отырып, жас ұрпақтың бойына патриоттық сезім, тілге деген құрметін дамыту. #ТілдерМерекесі
2025 жылғы 11 қыркүйекте СҚО, Петропавл қаласындағы №28 жалпы білім беретін келешек мектебінде «Өрлеу» БАҰО «СҚО бойынша КДИ» курс тыңдаушыларына арналған
2025 жылғы 11 қыркүйекте СҚО, Петропавл қаласындағы №28 жалпы білім беретін келешек мектебінде «Өрлеу» БАҰО «СҚО бойынша КДИ» курс тыңдаушыларына арналған «Функционалдық сауаттылық дағдыларын дамытуға арналған заманауи технологиялар мен жаңа әдістерді қолдану» тақырыбында облыстық семинар-практикумы ұйымдастырылды. Семинардың негізгі мақсаты – педагогтердің жасанды интеллект мүмкіндіктерін, SMART-оқыту технологияларын заманауи оқыту үрдісінде тиімді қолдану арқылы білім сапасын көтеру. Келешек мектеп ұжымы семинар барысында өз тәжірибелерін ортаға салды. Ұстаздар білім беру және адал азамат тәрбиелеуде оқушылардың бойында адами құндылықтар мен жауапкершілік қалыптастырудың маңызын ерекше атап өтті. Биология пәні мұғалімі Габбасова Махаббат Кусниденовна және математика пәні мұғалімі Дубинина Алена Андреевнаның өткізген сабақтары семинар қатысушылары үшін қызықты әрі тиімді болды. Мұндай тәжірибе алмасу жасанды интеллект мүмкіндіктерін білім беру процесіне енгізе отырып, цифрландыруды қолданудың тиімділігін көрсетті. Бұл ұстаздарға жаңа деңгейде жұмыс істеуге, ал оқушыларға заманауи қоғамда еркін бейімделуге зор ықпал етеді.
10 қыркүйек күні №28 жалпы білім беретін мектепте «Таза Қазақстан» бағдарламасы аясында бірыңғай экологиялық диктант өтті.
10 қыркүйек күні №28 жалпы білім беретін мектепте «Таза Қазақстан» бағдарламасы аясында бірыңғай экологиялық диктант өтті. • Оған 6-сынып оқушылары белсене қатысты. • Іс-шараның мақсаты — оқушылардың экологиялық сауаттылығын арттыру, табиғат пен қоршаған ортаға жауапкершілікпен қарауды қалыптастыру. Оқушылар экологияға қатысты білімдерін тексеріп, табиғатты қорғаудың маңыздылығы туралы ой бөлісті. Таза планета –өзімізден басталады!
2025 жылдың 8 қыркүйегінде №28 жалпы білім беретін мектептің ұжымы Мемлекет басшысының Қазақстан халқына Жолдауын тыңдады.
2025 жылдың 8 қыркүйегінде №28 жалпы білім беретін мектептің ұжымы Мемлекет басшысының Қазақстан халқына Жолдауын тыңдады. Жолдауда ел дамуының жаңа бағыттары – цифрлық трансформация, жасанды интеллектті дамыту, білім беру мен әлеуметтік саланы жаңғырту мәселелері кеңінен қамтылды. Президенттің маңызды үндеулерінің бірі: ⁠“Жасанды интеллектімен жұмыс істеу құзіретін қалыптастыру мектеп қабырғасынан қолға алынуға тиіс” – деп атап өтті. «Келешек мектептері» ұлттық жобасы аясында жоспарланған 217 мектептің 150-і қазірдің өзінде жұмыс істеп тұр. Қалған мектептер алдағы үш айда аяқталмақ. Президент цифрлық технологиялар еңбек нарығын түбегейлі өзгертіп жатқанын ескертіп, жасанды интеллектпен жұмыс істей алатын мамандарға деген сұраныс артып келе жатқанын айтты. Көптеген салаларда жұмыс үдерістері автоматтандырылып жатыр, сол себепті білім беру жүйесі осы өзгерістерге бейімделуі қажет.
logo_logo.png?_=1758712748 Алтын Дала қ. 9A gzhakanova@sqo.gov.kz
28jobb_mektep
Әзірлеуші ТОО "BenchMark Consulting"