Меню KDT
Приемная
+7(7152)320337

 

«Таза Қазақстан»
15 мамыр күні «Таза Қазақстан» республикалық экологиялық акциясы аясында мектебіміздің аумағында көшеттер отырғызу шарасы өтті. Ата-аналар балаларымен бірге белсенді қатысып, мектеп аумағын көгалдандыруға өз үлестерін қосты. Табиғатқа деген қамқорлық пен бейжай қарамай, қолдау көрсеткендерге алғысымызды білдіреміз! Әр отырғызылған ағаш — балаларымыздың таза әрі жасыл болашағына жасалған қадам!
«Абай – дана, қазақта, Абай – дара!»
14 мамыр 2025 жылы ұлы ойшыл, ақын Абай Құнанбаевтің 180 жылдығына арналған «Абай – дана, қазақта, Абай – дара!» әдеби-сазды қойылымы бойынша конкурс өтті. Конкурстың мақсаты: мұғалімдердің шығармашылық мүмкіндіктерін ашу және дамыту, белсенді шығармашылық іс-әрекетке тарту, мемлекеттік тілдің дамуын қамтамасыз ету, мемлекеттік тілдің қолданылу аясын кеңейту. Конкурсқа қаламыздан 12 мектеп қатысты. Әр мектепке бөлініп берілген уақытқа сәйкес келіп, өз қойылымдарын көрсетулері тиіс болды. Конкурс нәтижесі бойынша біздің мектеп жүлделі 3 орынға ие болды. Әріптестерімізді жеңістерімен құттықтаймыз, шығармашылық табыс тілейміз!
"Әлем отбасынан басталады"
Отбасы күніне орай мектеп кітапханасында "Әлем отбасынан басталады"атты тақырыптық кітап көрмесі ұйымдастырылды. Ол ең маңызды адами құндылықтарға арналған: сүйіспеншілік, қамқорлық, құрмет және туыстар арасындағы өзара түсіністік. Көрмеде отбасы, ата-аналар мен балалар, ата-әжелер, отбасылық дәстүрлер мен мерекелер туралы көркем шығармалар, әңгімелер мен ертегілер бар. Көрменің мақсаты - оқушыларға отбасылық байланыстардың маңыздылығын, жақсы сезімдерді тәрбиелеу және жақындарына құрмет көрсету. Барлығыңызды көрмеге келіп, кітап оқуға және отбасы туралы әңгімелерімен бөлісуге шақырамыз!
Нашақорлыққа қарсы іс-шара өтті
№28-ші жалпы орта білім беретін мектебінде нашақорлықтың алдын алу жөнінде профилактикалық іс-шара өтті. Мақсат — жасөспірімдерге есірткі заттарын қолданудың қауіптілігі туралы ақпараттандыру. Спикерлер студенттерге нашақорлыққа қарсы күрес шараларын, есірткі заттарын өткізу және таратқаны үшін қолданылатын жаза түрлерін айтты.
15 мамыр – Халықаралық отбасы күні
15 мамыр – Халықаралық отбасы күні Бүгін Ескі саябақта мерекеге орайластырылған ағаш отырғызудың мейірімді және маңызды экологиялық шара өтті! Біздің мектептен Тату-тәтті Каримовых отбасы қатысты. Олар бірге қаламызды көгалдандыруға үлес қосып, табиғатты аялаудың, отбасылық құндылықтардың үлгісін көрсетті.
Бүгін біз ең жылы әрі мейірімді мерекені — Отбасы күнін атап өтудеміз!
Бүгін біз ең жылы әрі мейірімді мерекені — Отбасы күнін атап өтудеміз! Ата-аналар мен балалар сүйіспеншілікке толы бейнероликтер дайындап, өзара қамқорлық пен қолдауды көрсетті. Отбасы — бұл тірек, бұл қуат, бұл бақыттың бастауы. Өз оқиғасымен бөліскен әр жанға алғысымыз шексіз!
Мектептегі өзін-өзі басқару көшбасшылары бастауыш сынып оқушыларымен жол жүру ережелері тақырыбында түсіндіру жұмысын жүргізді.
Мектептегі өзін-өзі басқару көшбасшылары бастауыш сынып оқушыларымен жол жүру ережелері тақырыбында түсіндіру жұмысын жүргізді. Оқушылар: — жолды дұрыс кесіп өтуді — жарық қайтарғыш элементтердің маңызын — жол жиегінде өзін-өзі қалай ұстау керектігін үйренді Кездесу соңында әр оқушыға «Жол ережесін сақта!» атты парақша таратылды — ережелер үнемі жандарында болу үшін!
Мектептегі өзін-өзі басқару көшбасшылары — салауатты өмір салтын қолдайды!
Мектептегі өзін-өзі басқару көшбасшылары — салауатты өмір салтын қолдайды! Бүгін мектептегі өзін-өзі басқару белсенділері оқушылармен «Вейптің адам ағзасына зияны» тақырыбында маңызды кездесу өткізді. Кездесу барысында оқушылар: — Вейптің темекіге қауіпсіз балама еместігін — Зиянды заттардың өкпе, жүрек және миға қалай әсер ететінін — Жасөспірім кезде одан бас тартудың маңыздылығын білді Әрқайсымыз өз таңдауымызды жасаймыз. Біз — салауатты болашақ үшінбіз!
logo_logo.png?_=1758712748 Алтын Дала қ. 9A gzhakanova@sqo.gov.kz
28jobb_mektep
Әзірлеуші ТОО "BenchMark Consulting"