Меню KDT
Приемная
+7(7152)320337

 

❄️ Қыс мезгілі – белсенділік пен сергектік уақыты! ⛷️
Қыс мезгілі – белсенділік пен сергектік уақыты! Біздің оқушылар үшін шаңғы тебу – тек қызықты демалыс емес, денсаулықты нығайтудың тамаша мүмкіндігі. Мектебімізде шаңғы және коньки тебуге арналған арнайы алаңдардың болуы – оқушылар үшін үлкен мүмкіндік. Дене шынықтыру сабақтарында оқушылар таза ауада шаңғы теуіп, қимыл-қозғалыс арқылы өздерінің физикалық дайындығын арттыруда. Оқушылардың айтуынша, қысқы спорт түрлері – шаңғы мен коньки тебу тек спорт қана емес, сонымен бірге денсаулықты сақтауға, төзімділікті дамытуға және салауатты өмір салтын қалыптастыруға ықпал етеді. Осындай мүмкіндіктердің жасалуы оқушылардың спортқа деген қызығушылығын арттырып, белсенді әрі салауатты өмір салтын ұстануға тәрбиелейді. Салауатты ұрпақ – жарқын болашақтың кепілі!
🔹Ерте кәсіптік бағдар беру жұмыстары аясында мектебімізде Солтүстік Қазақстан облысы бойынша Қазақстан Республикасы Мемлекеттік қызмет істері агенттігінің Департаменті 11-сынып оқушыларымен кездесу өткізді.
Ерте кәсіптік бағдар беру жұмыстары аясында мектебімізде Солтүстік Қазақстан облысы бойынша Қазақстан Республикасы Мемлекеттік қызмет істері агенттігінің Департаменті 11-сынып оқушыларымен кездесу өткізді. Кездесу барысында Департаменттің бас маманы М.К. Балтабаев түлектерге мемлекеттік қызметке қабылдану тәртібі, мемлекеттік органдарда тағылымдамадан өту мүмкіндіктері, сондай-ақ мемлекеттік қызметтің лауазымдарына конкурстан тыс тағайындалу жолдары туралы кеңінен ақпарат берді. Оқушылар өздерін толғандырған сұрақтарын қойды. Сонымен қатар, болашақта таңдайтын кәсіби жол ретінде мемлекеттік қызметке деген қызығушылықтарын танытты.
📽✨ «Отырарды қорғау» мультфильмін тамашалау ✨📚
«Отырарды қорғау» мультфильмін тамашалау “Оқуға құштар мектеп” жобасының аясында 1–4 сынып оқушылары «Отырарды қорғау» атты мультфильмді көрді. Бұл мультфильм қалаға қауіп төнген сәтте тайсалмай, өздерінің табандылығы, алғырлығы және білімге деген құштарлығының арқасында туған жерін қорғауға үлес қосқан екі батыл баланың ерлігі туралы сөз болады. Оқушылар кейіпкерлердің батылдығы мен тапқырлығына тәнті болып, қиын жағдайда білім мен ақылдың маңызын түсінді. Көрсетілімнен кейін балалар өз ойларымен бөлісіп, ерлік, достық және отансүйгіштік туралы пікір алмасты. Мақсатымыз – жас ұрпақты батылдыққа, білімге ұмтылуға және туған жерін сүюге тәрбиелеу
28 жалпы білім беретін мектептің 11-сынып оқушылары кәсіби бағдарлау тестілеуінен өтті: Өткізілген тесттер:
28 жалпы білім беретін мектептің 11-сынып оқушылары кәсіби бағдарлау тестілеуінен өтті: Өткізілген тесттер: – 11-сыныпқа арналған кәсіби бағдарлау тесті – AI-профориентатор – Dan Olweus «Буллинг» психологиялық тесті Daryn Baqdar платформасымен бірлесіп. Тестілеу сәтті өтті,техникалық қателер тіркелген жоқ. Барлық нәтижелер платформада тіркелді. Оқушылар өз қабілеттерін, қызығушылықтарын және болашақ мамандық таңдау бағыттарын анықтауға мүмкіндік алды. Бірлескен жұмыс жалғасады! Daryn Baqdar – педагог-профориентатор үшін таптырмас құрал.
Отбасымызбен кітап оқимыз! ✨📚
Отбасымызбен кітап оқимыз! Кітап оқу – білімнің кілті, ал оны отбасымен бірге оқу – ең керемет дәстүр! Үйде ата-ана, ата-әже және балалар бірге кітап оқып, ой бөлісіп, кейіпкерлерді талқылау арқылы рухани байланыс нығая түседі. Бірге оқылған әрбір кітап – бала жүрегіне себілген білім дәні Отбасылық оқу – Баланың сөздік қорын байытады Ойлау қабілетін дамытады Қызығушылығын арттырады Жақын жандармен қарым-қатынасты күшейтеді Біз отбасылық кітап оқу дәстүрін қолдаймыз!
13 ақпан күні 1-9 сынып оқушыларымен «Суды үнемде – болашақ үшін сақта!» 💧
13 ақпан күні 1-9 сынып оқушыларымен «Суды үнемде – болашақ үшін сақта!» тақырыбында бірыңғай сынып сағаты өткізілді. Мақсаты: Оқушыларға судың маңызы туралы түсінік беру, суды үнемді пайдалану дағдыларын қалыптастыру және қоршаған ортаға жауапкершілікпен қарауға тәрбиелеу . Сынып сағаты барысында оқушылар суды үнемдеу жолдары туралы ақпарат алып, өз ойларымен бөлісті, тақырыпқа байланысты суреттер қарастырылып, шағын талқылау ұйымдастырды.
🐢 «Тасбақа бұрышы» көрмесі – табиғатты аялауға бастар қадам!
«Тасбақа бұрышы» көрмесі – табиғатты аялауға бастар қадам! Мектебімізде бастауыш сынып оқушылары арасында республикалық «Тасбақа бұрышы» конкурсының мектепішілік кезеңі жоғары деңгейде өтті. Іс-шараның басты мақсаты – оқушыларға ортаазиялық тасбақа туралы кеңінен мағлұмат беру, жануарларды қорғауға, табиғатты аялауға тәрбиелеу. Конкурс барысында оқушылар өздерінің шығармашылық қабілеттерін танытып, тасбақаның тіршілігі, мекендейтін ортасы және оны қорғау жолдары туралы мазмұнды жұмыстарын ұсынды. Балалардың белсенділігі мен қызығушылығы олардың экологиялық мәдениетінің қалыптасып келе жатқанын көрсетті. Осындай тағылымды шаралар арқылы біз жас ұрпақты табиғатты сүюге, қоршаған ортаға жауапкершілікпен қарауға баулимыз. Табиғатты қорғау – әрқайсымыздың ортақ міндетіміз!
📢 «Жаңа Конституция – Жаңа Қазақстанның құқықтық негізі». Мектебімізде Конституциялық реформаларға арналған мазмұнды талқылау өтті.
«Жаңа Конституция – Жаңа Қазақстанның құқықтық негізі». Мектебімізде Конституциялық реформаларға арналған мазмұнды талқылау өтті. Конституциялық реформалар жөніндегі комиссия жариялаған Қазақстан Республикасының жаңа Конституциясы жобасы – қоғамның кең ауқымды ұсыныстары мен ашық қоғамдық талқылаулардың нәтижесі екені атап өтілді. Кездесу барысында Қазақстан Республикасы Конституциясының жаңартылған негізгі қағидаттары, оның құқықтық мемлекет қалыптастырудағы маңызы және Ата Заңның ел болашағындағы рөлі кеңінен талқыланды. Осы маңызды өзгерістер туралы біздің мектепте Танакулова Эльмира Шамилевна – педагогика ғылымдарының магистрі, Қазақстан халқы Ассамблеясының өңірлік ғылыми-сараптамалық тобының мүшесі және “Байтақ” жасыл партиясының СҚО филиалының төрағасы Рустам Маратұлы Жүсіпбеков педагогтермен арнайы кездесу өткізіп, реформаның мәні мен маңызын кеңінен түсіндірді. Кездесу барысында жаңа Конституциялық нормалардың елдің саяси жүйесін жаңғыртудағы, білім беру мен қоғам дамуына ықпалындағы рөлі жан-жақты талқыланды. Педагогтер үшін бұл – азаматтық ұстанымды нығайтып, оқушыларға заманауи қоғамдық өзгерістерді түсіндіруде маңызды тәжірибе болды.
logo_logo.png?_=1758712748 Алтын Дала қ. 9A gzhakanova@sqo.gov.kz
28jobb_mektep
Әзірлеуші ТОО "BenchMark Consulting"