Достық үйі – Қазақстан халқы Ассамблеясына экскурсия

Мектеп жанындағы лагерь аясында бастауыш сынып оқушылары Петропавл қаласындағы Достық үйі – Қазақстан халқы Ассамблеясына барды. Балаларға Қазақстанда тұратын түрлі халықтардың мәдениетімен танысудың бірегей мүмкіндігі болды.Алдымен оқушыларға белорус халқы туралы айтып берді: олардың әліпбиімен, тілдік ерекшеліктерімен, салт-дәстүрлерімен таныстырды. Содан кейін балалар татар халқының бай мәдениетімен танысты. Оларға ұлттық киімдер, тұрмыстық бұйымдар көрсетіліп, ертегілер тыңдалып, отбасылық, діни дәстүрлер туралы мағлұматтар берілді. Балалар шешен-ингуш мәдениетімен танысуға өте қызығушылық танытты. Оларға ұлттық киім элементтері, музыкалық аспаптар көрсетіліп, осы халықтардың салт-дәстүрлері туралы айтылды. Кездесу соңында мектеп оқушыларына қазақтың ұлттық салт-дәстүрлері туралы айтылды. Өзінің шежіресін құрастыру тапсырмасы ерекше қызықты болды, бұл үлкен қызығушылық пен ата-бабалар туралы көбірек білуге деген құштарлықты тудырды. Экскурсия балаларға көптеген жағымды эмоциялар сыйлады және олардың Қазақстанда тұратын мәдениеттердің алуан түрлілігі туралы түсініктерін кеңейтті