Көктемнің шуақты лебі сезілген сәтте мектебімізде ерекше жылылыққа толы күн өтті. Бұл — қазақтың ежелден келе жатқан игі дәстүрі, адамдарды жақындастырып, көңілге мейірім ұялататын Көрісу күні.

Таң атқаннан-ақ мектеп іші ерекше атмосфераға бөленді. Оқушылар мен ұстаздар бір-бірімен көрісіп, ізгі тілектерін жаудырды. Әр жүзден қуаныш, әр жүректен жылулық сезілді.

Бұл тек мерекелік шара ғана емес, ұлттық құндылықтарды дәріптеп, үлкенге құрмет, кішіге ізет көрсетуді үйреткен тағылымды сәт.

Көрісу күні – татулық пен бірліктің, сыйластық пен мейірімнің мерекесі. Осындай игі дәстүрлер арқылы жас ұрпақ өз тамырын танып, ұлттық рухты жүрегіне сіңіреді.

Бүгінгі мереке әрқайсымызға көтеріңкі көңіл күй сыйлап, жүректерімізді жақындата түсті.

Жылымыз берекелі, ынтымағымыз нығайған жыл болсын!