№28 жалпы білім беретін мектеп базасында, Петропавл қаласында мектеп оқушыларының инженерлік ойлауын, бағдарламалау және техникалық шығармашылық қабілеттерін дамытуға бағытталған ауқымды білім беру жобасы — Ozyq Urpaq робототехника турнирі өтті.

Жарысқа Солтүстік Қазақстан облысының әртүрлі мектептерінен командалар қатысты. Бірнеше ай бойы қатысушылар тыңғылықты дайындалып, робототехника мен бағдарламалаудың негіздерін меңгеріп, роботтарын құрастырып, сынақтан өткізіп, командалық жұмыс пен логикалық ойлау дағдыларын дамытты.